Om Swastyastu, ring rahina mangkin, buda pon, wuku bala, tanggal 16 Pebruari 2022, Kantor Perbekel Desa Tihingan ngemargiang parikrama Bulan Bahasa Bali sane mebantang Danu Kerthi : Gitaning Toya Hening. Ring galahe puniki kamargiang kalih wimbakara inggih punika wimbakara Macepat (tingkat alit – alit) miwah wimbakara Masatua Bali (ibu PKK). Akeh pemilet ring wimbakara Macepat roras diri utawi nem pasang punika pinaka ngangganin saking SD N 1 Tihingan, SD N 2 Tihingan, taler SD n 3 Tihingan. Pamilet ring wimbakara Mesatua Bali akeh nyane kutus diri pinaka ngangganin saking soang – soang Dusun inggih punika kalih pamilet saking Dusun Pau, kalih pamilet saking Dusun Tihingan, kalih pamilet saking Dusun Mungguna, miwah kalih pamilet saking Dusun Penasan. Parikramane puniki taler kerauhin oleh Kesra Kabupaten Klungkung, Bapak Camat Banjarangkan, miwah uleman sane tiosan. Parikramane punika kapungkah olih Bapak Perbekel Desa Tihingan. Pikolih parikramane puniki inggian Jayanti 1, Jayanti 2, taler Jayanti 3 Wimbakara Macepat miwah Jayanti 1, Jayanti 2, taler Jayanti 3 Wimbakara Masatua Bali.

Wimbakarane puniki kamargiang mangdane prasida nglestariang Basa, Sastra, miwah Aksara Bali duene. Om Santih, Santih, Santih Om.