Om Swastyastu, ring rahina mangkin, Soma, 20 Pebruari 2023, Kantor Perbekel Desa Tihingan ngemargiang parikrama Bulan Bahasa Bali sane mebantang Segara Kerthi : Campuhan Urip Sarwa Prani. Ring galahe puniki kamargiang wimbakara Nyurat Aksara Bali (tingkat alit – alit) miwah Utsawa Nyurat Lontar (tingkat yowana). Akeh pemilet ring wimbakara Nyurat Aksara Bali kutus diri punika pinaka ngangganin saking soang – soang Dusun sane masekolah ring SD N 1 Tihingan, SD N 2 Tihingan, taler SD N 3 Tihingan. Pamilet ring Utsawa Nyurat Lontar akeh nyane kutus diri pinaka ngangganin saking soang – soang Dusun sane mesekolah ring SMP N 2 Banjarangakan inggih punika kalih pamilet saking Dusun Pau, kalih pamilet saking Dusun Tihingan, kalih pamilet saking Dusun Mungguna, miwah kalih pamilet saking Dusun Penasan.

Parikramane puniki taler kerauhin olih Bapak Perbekel Desa Tihingan, Bapak BPD Desa Tihingan, Para Dewan Juri, miwah uleman sane tiosan. Parikramane punika kapungkah olih Bapak Perbekel Desa Tihingan. 

Wimbakara lan utsawane puniki kamargiang mangdane prasida nglestariang Basa, Sastra, miwah Aksara Bali duene. Om Santih, Santih, Santih Om.